Piştî Serfermandarê Artêşa Tirkiyê Necdet Ozel, lê bi şêwazek nerm û bi zimanek nazik Bulent Arinç jî li dijî perwerdeya zimanê Kurdî derket. Bulent Arinç tevlî bernameya bi navê Çi Çêdibe (Neler Oluyor) ya Kanala CNN Turk ku ji aliyê Şîrîn Payzin ve tê pêşkêş kirin û der barê gelek mijaran de bersiva pirsan da. Yek ji van mijaran perwerdeya bi zimanê Kurdî bû. Der barê vê mijarê de Bulent Arinç got "Perwerdeya bi zimanê dayîkê mijareke cudaye. Min bersiva MHP'ê da. Li vî welatî Kurd hene, hezar salin li ser vê xakê dijîn. Zilam dibêje ez Kurd im. Kurd jî, li gorî xwe alfebayeke xwe, ziman û çanda xwe heye. Evane ketine bin mîsogeriya makzagonê de. Li Diyarbekirê 22 radyo û televizyonên herêmî mafê weşana nêzîkî 24 demjimêran ji me wergirtin. Me hemû astengî rakirin. Her kes dikare bi zimanê dayîkê weşanê bike. Astengî li pêşiya fêrbûna vî zimanî nema. Divê ewil parlementerên BDP'ê fêr bibin, ji ber ku nîvê wan pirtir nizanin. Dibe ku ez jî fêr bibim. Ev ziman heye. Berhemên çandî ên bi vî zimanî hatîn nivîsandin hene.  Di Kanaleke min de bi vî zimanî 24 demjimêran weşanê dike. Astengî li pêşiya zimanekî nîne ku însan derbasî jiyana xwe ya rojane dikin, biaxivin, dixwazin fêrî xwendin û nivîsandina wê bibin. Hûn bawer dikin ku wê perwerdeya bi zimanê Kurdî baş be? Em nafikirin perwerdeke wiha di zimanê dayîkê de hebe. Dema perwerde bi zimanê dayîkê bi Tirkî be, bi xwe re yekîtiyê tîne. Eger perwerde bi zimanê dayîke bibe, emê ji kû dibistan û mamosteyan peyda bikin. Min bêjerek di TRT 6'ê de nedît ku nûçeyan pêkêş bike. Wê kîjan parlementerek BDP'ê zarok ên xwe rêke zanîngeha Silêmaniyê?" Hêjayî gotinê ye, Arinç bi siyaseteke pir nazik û nerm li dijî perwerdeya bi zimanê dayîkê derket û dema behsa BDP'liyan jî kir weku bibêje "ka hûn herin baş bi zimanê Kurdî fêr bibin, zarokên xwe baş fêr bikin, paşê daxwaza zimanê Kurdî bikin." Û aşkere got ku makzagona Tirkiyê ji bilî zimanê Tirkî destûr nade bi tu zimanê din bi zimanê dayîkê perwerde bê dayîn.

AVESTAKURD